Ikaw

Wala nako damha 

Na ako luwason Niya

Kinsa ba diay ko?

Dili angayan nga higugmaon

Dili angayan nga luwason

Apan salamat Ginoong Hesus

Kay ikaw puno sa gugma

Ug abunda sa grasya

Ang kaluwasan wala nag-agad

Sa akong binuhatan

Apan pinaagi lamang

Sa pagtoo diha sa Ginoong Hesu Kristo.

Ug kay ako luwas naman

Diha na ang mga pagsulay

Naay mga panahon nga ganahan nako

Moundang sa pagsimba sa Ginoo

Labina sa mga panahon 

Nga gipakyas nako Siya

Ug sa mga kasakit ug kalisud sa kalibutan

Apan salamat sa grasya ni Hesus

Nga Iya kong gipabalik diha sa tiilan Niya

Aron simbahon ug alagaron Siya

Ug nakaplagan gayud nako 

Ang tinood nga kalipay

Diha sa presensya ni Hesus

Nga dili gayud maikumpara

Sa mga butang niining kalibutan.

Ang akong kinabuhi,

Alang lamang Kaniya.

Siya ang akong kusog.

Siya ang akong gugma.

Siya ang akong tanan.

💓💓💓🙌🙌🙌

~S.M.T.A