Sa
aking mga kababata, mga kaibigan at mga kapatid kay
Kristo, ako ay nasa inyong harapan upang ibahagi sa inyo ang isang
gintong aral na aking natagpuan. Ito ay mula sa libro ni Juan 14:15
na ang sabi ay, “Kung iniibig ninyo ako, tutuparin ninyo ang aking
mga itinuturo.” Galing sa bersikulong ito ay nakakuha ako ng isang
mahalagang ideya na “Kung mahal natin ang Diyos, sundin natin ang
Kanyang utos.” Ito ang pangunahing ideya na gusto kong ilahad at
ipaliwanag sa inyo ngayong hapon. Ako’y umaasa din na sana’y
ito’y itanim sa ating puso’t isipan.
May kasabihan
tayong, “Action speaks louder than words” na kung ating isalin pa
sa Tagalog ay “Ang gawa ay mas higit pa sa salita.” Ngunit,
subalit, datapwat, bakit tayong mga tao ay halos puro na lamang mga
salita, wala naman sa gawa, puro lamang tayo pangako ngunit palagi
namang pinapako. Dito sa mundong ibabaw ay marami ang nasirang
kinabukasan at pangako ang may kagagawan. Pangako nga ba talaga’y
ginawa upang paasahin ang tao sa wala?
Ngunit sa kabilang
banda, ating makikita sa Bibliya ang isang Magandang Balita na may
Diyos tayo na hindi nakakalimot sa Kanyang pangako. Inalay Niya ang
Kanyang anak upang maging kabayaran sa ating mga kasalanan. Siya
nga ay Diyos sa salita man at sa kilos. Si Hesus na ating Diyos ay
isang pinakamagandang ihemplo upang tayo’y maging isang Kristyano
na maisasabuhay ang kaisipan na, “Kung mahal natin ang Diyos,
sundin natin ang Kanyang utos.”
-S.M.T.A.
Walang komento:
Mag-post ng isang Komento