Ang Buhay-Estudyante

Ang buhay-estudyante ay hindi madali. Ito ay nangangalangan ng sapat na dedikasyon at determinasyon upang makapagtapos sa pag-aaral. At higit sa lahat, kailangan ang pagtitiwala sa Diyos upang makamit ang ambisyon sa buhay.

Para sa akin, bilang isang estudyane marami akong mga pangarap. Mga pangarap na gusto kong makamtan sa hinaharap. Sadyang napakahirap ang buhay bilang estudyante kung wala kang kaakibat, kaagapay at kabalikat na Siyang sa iyo ng lakas, talino at pag-asa sa bawat araw na ginugugol ko sa paaralan. Ito’y walang iba kundi ang Poong Maykapal. Nag-aaral ako ngayon sa BTC hindi para s akin kundi para sa Panginoon. Kung noon ay puro lang sarili ang aking iniisip, ngayon ay nagbago na. Ginagawa ko para sa kaluwalhatian ng Panginoon. Kahit anumang pagsubok ang darating alam ko na makakaya ko kasi ang laban ko ay laban din ng Panginoon. Kampante ako na matatapos ko ang nasimula ko dito sa BTC dahil sigurado ako na tinawag ako ng Diyos upang mag-aral ako dito sa BTC para mahasa ako sa mga bagay-bagay na dapat ko pang matutunan para mapaglingkuran ko Siya na may angking talino at galing na magsisilbing instrumento upang maipamalas ko sa iba kung sino si Kristo na aking sinasamba at kung ano Siya sa buhay ko bilang isang Kristyano.

Sa ngayon, marami pa akong nga pagsubok na kailangan kong lampasan at mga responsibilidad na kailangan kong panindigan. Mas dapat ko pang higpitan ang pananalig ko sa Maykapal dahil alam ko at naniniwala ako na Siya lang ang kaisa-isang nabubuhay na kailanman ay hindi ako itatakwil kahit anuman ang mangyayari. Panatag ang loob ko na sa bandang huliako ang panalo at makakapagtapos din ako sa pag-aaral. Matapos man ako sa pag-aaral ay hindi ito ang magiging katapusan sa pagsisilbi ko sa Panginoon dahil ito ay panghabangbuhay. Ang pag-aaral ko ngayon at ang buhay ko sa hinaharap ay inilaan at iniaalay ko na para kay Kristo dahil ako ay para sa Kanya at Siya ay para sa akin.                                                                                                                     -S.M.T.A. (2015)

*Photos taken with my Thai students during my summer internship*