O Mama ug Papa Nga Wa’y Sama

O, Mama ug Papa nako nga wa'y sama,

Nagdako ako nga puno sa inyong pag-amoma,

Bisan sa kaharuhay ug kasakit pa,

Nga atong naagi-an niining kalibutana,

Kamo nagpabilin nga mahigugmaon sa akoa..

Dili nako kayang masuklian,

Ang gibuhat ninyo nga mga kaayuhan,

Ug dili gayud mo nako makalimtan,

Bisan matigulang na kamo, ako gihapon mong paga-silbihan,

Wala ko'y igo nga rason nga kamo pagatalikdan.

Wala ko kahibalo unsa ang ako ikabalos kaninyo,

Ang ako nasayran lamang nga adunay Ginoo,

Nga maoy mopuno sa akong kakulangon diha kaninyo,

Dili man nako mabuhat ni mahatag ang tanan ninyo nga gusto,

Apan didto sa langit ako sigurado,

 Nga adunay dako nga ganti nga nagahulat kaninyo.

-S.M.T.A.

(2015)