Buhay Ko’y Bukas na Bibliya Mo

Noong May 2007, lubos kong nakilala ang Paniginoon kung sino talaga Siya. Hindi ko matandaan kung anong petsa iyon pero ni minsan hindi nawaglit sa aking isipan kung ano ang nangyari sa araw na tinanggap ko ang Panginoon bilang aking Diyos at Tagapagligtas. Hindi ko mapigilan ang aking sarili na mapa-iyak dahil sa matinding emosyon. Talagang abot-langit ang saya na aking nadarama ng mga araw na iyon dahil may isinagawa ang aming simbahan na isang Youth Camp at ang tagapagsalita nang gabing iyon ay nagmensahe tungkol sa paksa na ang bawat pangyayari ay may kadahilanan. Doon ko napagtanto na kahit sa panahing iyon na may dinadala akong malaking problema, may Diyos pala sa langit na Siyang nagko-kontrol sa lahat ng bagay at laging handa sa bawat segundo, minuto at oras upang tumulon sa aking mga suliranin.

Noong May 2007, inalay ko ang aking buhay sa pagsisilbi sa Panginoon at pinangako ko sa Kanya na Siya lamang ang kailangan kong sambahin at paglilingkuran ko habangbuhay. At dito nagsimula anhg aking pagbabago. Naging masigla ako sa bawat aktibidades ng aming simbahan at nagpasyang makilahok sa bawat pagtitipon upang mapalago ang aking buhay bilang isang Kristiyano. Ang Bibliya din ang siyang naginhg gabay sa pang-araw-araw na pamumuhay dito sa mundong ibabaw. Sa puso't isip ko itinatanim ang bawat salita na aking nabasa sa Bibliya. Hindi lang ito nanatili sa loob kundi ipinamalas ko din sa iba kung ano ang nalalman ko tunkol sa Panginoon at gaano ko Siya kamahal higit sa buhay ko.

Dumating din sa punto na sinabi ko sa Panginoon na mag-aaral ako sa isang seminaryo upang maging isa sa kanyang mga alagad. Kahit mahirap ay kailangan kong lunukin ang mga pagkukutya ng mga tao sa akin dahil pinili ko nasundin Siya imbes ang aking sarili. Sa loob ko alam ko na tama ako sa desisyon ko dahil talagang nararamdaman ko na ako ay tinawag Niya sa isang napakahalagang misyon at ito ay ang pagiging Kristiyanong magtuturo. Gusto kong maging isang instrumento sa mga taong sa mga taong hindi pa nakakilaala kay Kristo at dalhin sila sa paanan Niya. Hangad ko idin na ang nga taong napasahan ko sa Magandang Balita ay maipasa naman nila ito sa iba upang maipalawak ang Kaharian ng Diyos dito sa sanlibutan.

~S.M.T.A (2015)

Bilang isang Kristiyano, gusto kong maging isang magandang ihemplo sa puso, isip at gawa. Kailangan kong isaisip at isapuso na nandito ako sa mundong ibabaw hindi gusto kong mapaglingkuran kundi dahil gusto kong makapaglingkod dahil higit sa lahat, ito ay makapagpapasiya sa Panginoon. Kung saan Siya masaya susuportahan ko Siya hanggang sa dulo ng walang hanggan.