Papalapit pa lamang ang bagyong ‘Ruby’ na kaputol ng pusod ng bagyong Yolanda, ito na ang sigaw sa puso sa mga lugar na posibleng makakatikim sa hagupit nito, O Ruby, layuan mo kami! Wala ni isa man ang may hindi bahag ang buntot na humanap sa bagyong maghahasik ng lagim sa bansa natin.
Talagan namang puspusan ang paghahanda ng mga Pilipino bago pa man dumating ang kasalukuyang bagyo. Atat na atat na ang mga taong pumunta sa kani-kanilang suking mall at grocery maka-imbak man lang ng pagkain sa bawat tahanan nila. Ito’y upang hindi sila maging basang-sisiw sa pagdating na parang kumukulong dugo ng bagyong nagngangalang ‘Ruby.
Datapwat ang katotohanan, ang matinding paghahanda ay hindi seguridad upang ang kalamidad ay lumayo sa mga lugar na punterya ng naturang bagyo. Ngunit ang sabi ng mga nakararami,” Mabuti na ang maghanda, kaysa sa huli ay magmukhang kawawa.”
At nang dumating ang bagyong Ruby na talagang inaasahan ng karamihan ay mangilan-ngilan din ang mga taong maagang pumunta sa kanilang huling hantungan. Dahil sa puspusang paghahanda ng bawat Pilipino ay nabawasan ng katamtamang porsyento ang mga ari-ariang nasalanta ng bagyo at gayundin ang mga buhay na napalapit sa bingit na kamatayan.
Talaga namang hindi tayo pinabayaan ng Poong Maykapal dahil kahit butas ang bulsa o bulanggugo ka man ay pantay ang atensyon na Kanyang ibinigay. May mga taong nasalanta man sa hagupit ng bagyong ‘Ruby’ ay dapat na isaisip natin na, “Sa bawat bagyo na daraan, may bahaghari na magpapakita sa kalangitan”.
-S.M.T.A. (2015)
Walang komento:
Mag-post ng isang Komento