Ika’y Kasama Ko

O Diyos na aking sinasamba,

Sa Iyo ako ay puno ng pag-asa,

Ikaw ang nagbigay lakas sa mahina kong kalooban.

Ikaw ang pumawi sa mga luha

Sa mga panahong pasan ang problema.

Sa Iyo ko natagpuan

Ang mga bagay na hindi mapunan ng mundong ibabaw.

Hindi ko mapigilang maawa sa iba,

Dahil Ikaw ang Diyos ng awa.

Masaya ako dahil Ikaw ay nasilayan

Sa pag-ibig mo, ang puso ko ay nalinisan.

Hangad kong magkaroon ng katiwasayan,

Upang ako’y marapat na mabilang sa Iyong kaanakan,

Ako man ay masawi dahil sa paglaban ko sa Iyo...

Panatag naman ako dahil sa langit, Ika’y kasama ko.

-S.M.T.A.
(2015)